Mölmsch Platt

Vöar Lus, em Bierflääschen tegen em Boumstamm te schmiete

Eine Übersetzung eines Textes des Schweizer Autors Gerhard Meister, im Original in der Schweizer Tageszeitung "Der Bund" erschienen.
Wer das Original gerne im Dialekt des Berner Oberlandes genießen möchte, möge das hier tun:
https://www.derbund.ch/vor-luscht-ae-bierflaesche-gaegene-boumstamm-z-braetsche-103745576711

Vöar kottem häpp ick em Platt-Döneken ut de Schwe-iz chelease, do wu se dat met dat k maake, wat we-i mit dat g maake, nämlich am Chuume riewe.
Do dead e-ine öwwer die Äpps schriewe. Ek häpp dat ees öwwerssatt:
„Jo, secher, ick häpp me-i all lang dä „Klima-Tracker“ rounerchelaae, wumet ick minne e-ige CO-2-Bilanz berekene ka‘. Un häpp me-i natürlich ouk dä „Code Check“ rounerchelaae, wu ick be-i dä Leewesmiddel met dat Handy däm Barcode scänne ka‘ un chlicks we-it, off dat nou vegetarisch ös off bloas vegan un oahne Mikroplastik.
Un häpp ick me-i natürlich ouk die Äpp „Tu chudd öm et fottteschmiete“ rounerchelaae un ka‘ soa Eete rette, Eeete, wat oahne die Äpp im Affall lande wüad. Un ick häpp me-i selfsverstainlich ouk die „Null-Affall“ affchelaae un we-it nou, wu dä nöhste Winkel ös, wu ick minne Ssaakes oahne Verpackung i’koupe kööss, jo, un häpp me-i die „Plörrekringk“-Äpp rounerchelaae, wu me sim Plörre online tuusche ka‘.
Un häpp me dän „Fischratgeber“ vam WWF rounerchelaae mit sinnen geniale Ampelsystem un freet bloas noch eukologisch verdräglichen Feesch, wenn ick öwwerhoups noch Feesch freete doon, beeter ut eukologische Sseech ös jo char ke-in Feesch, logisch, un häpp me-i drüm ouk die „Happy Cow“-Äpp rounerchelaae, wumit ick nou ouk vegetarische un vegane Restorangs op min Handy häpp
Me-i ouk „Vanilla-Bean“ rounerchelaae, föar da tick ouk im Utlaund we-it, off Fle-isch im Eete drin ös, wenn ick öwwerhoups noch innet Utlaund fahr, wat me jo neemeahr ssölle, all kloor, merr wenn, dann met de „Refill-App“, met en Wieser, wu ick min Trinkflääschen opfülle ka’un soa ke-in PET-Flääsche koupe mutt.
Et chiff’t bestimmp ouk en Äpp, wat me-i aansse-ig, off ick velle-ichs wat öwwerdriew met minnem eukologisch korrekte Verhaule.
Un häpp me-i natürlich ouk dän „Fruuchbaarkeits-Fröind“ (Eisprung-Amigo) rounerchelaae, met E-isprongrekener, Fruuchbaarke-itstabelle un Periodeträcker aalemole inklusive, merr nee öm domit chekröömb te wääde, seecher nee, nä, öm et te verhe-inere. Et chiff’t jo werklich nicks, wat dä eukologische Footaffdruck chrööter mack ees en Ke-ind!
Chemäcklich, et beste-iht jo de Chefoahr, dat enem dat chanze Optimiere ergeswann ouk wat tuvöll wäd, un derweege häpp ick ouk die Äpp „Too much is too much“ rounerchelaae, wu ick aanchesse-ich kreeg, off ick me-i öwwerfodder mit min eukologisch korrekte Verhaule un langsam ut min Ounerbewossien soan Widderstaund obbaue doon, wat dotu föüahre köin, dat ick unbewos min eukologisch Verhaule sabotiere doon un in en onbewoste Affekt en Weekese-ind-Flug noh Panama booke, öm domm op enem Surfbrett römtestohn.
Soawiet ssall et natürlich nee chohn, do mutt me wat doteegen doon, un chenau dat mack die Äpp „Too much is too much“, wu me vertellt krich, dat me aaf un tu en normal Kottlett freete sall. Un be-i etreme Spannungtustain schle-it die Äpp velle-ichs vöar, me ssall met em Bierflääsche nohm Boosch
lope un die ergeswo tegen em Boumstamm te schmettere.
Eukologisch ös dat waal nee soa schlemm, nommalerwies ös me jo „schlagartig ernüchtert“ und at schlächte Chewisse chlicks chroat chenooch, dat me die Scherwe bös op dän lääste Schplooter tessaamessöök un aals in dän Sammelcontainer herdraage de-it.
Jo, un wenn sech be-i dä Aktion erges en Katicksken vöar Schräck aan sinnen Nötken verschlock heet, ka’me sech jo entschöilige.