Mölmsch Platt

Dä Flitzepitter

(Ohne Pause mit leichter Schnappatmung zu lesen)

He ös soan Strampelkääl op‘m Flitzepee, dän de Lüüt wat in’t Huus bringe de-it un wäd in en Villa bestellt, die utssüht ees en Schloß, un en Frau mack öm de Döar open, un dat Frauminsch, stramme Huut weege en chanze Houpen Schöanhe-itsoperatschone, dröck öm en ssaaftigen Appel inne Haund un verklöart öm dän Wääch duar däm Bo-osch un öwwer de sseven Bärch tum kle-ine Hüsken, wu öar Dochder in de Ferien wöar, un öar söil he dän Appel bringe met en leewe Chrooß van öare Mooder, un dä Strampelmann pack dän Appel in sin Ömhängtaasche und et Drinkche-ild, wat öm boll benütt chemack heet, in sinnen Che-ildbüül un fährt loas duar däm Boosch un fährt sseven Bärge erop un sseven Bärge eraaf un kömp tu dat Hüsken un de-it lüüe, un dat Deansche mack open, schöan ees he noch ke-in auneret chessehne heet, he chiff ör dän Appel un bestellt öar de Chrööte un kiek noh binnen in dat Hüsken un ssüht sseven kle-in Bedder un sseven kle-in Tässkes opem Deesch un aan sseven kle-in Höökskes sseven kle-im Böiskes und et Deansche freut sech öwwer dän Appel un öwwer dän Chrooß van öare Mooder, dat heet se jezz nee chedaach, et woär jo manechmol wat schwoar tüschen Mooder un Dochder, dat wöar nou waal werklich en supernett Öwwerraaschung, un off he nee Luus häd, dän Appel met öar tessame te freete. Dän wöar jo te chroat föar e-ine Minsch alle-in un dat Aafstrampele om Flitzepee chöaf doch waal döchtich Schmaach, sin Kopp wäd roat, roat ees dän Appel inne Haund vam Deansche, ke-in Tied, ssaach he, möt widder, un se de-it föar en laache, dat et boll a‘fängk te chlööne in sinnen Kopp, un he stieg op et Flitzepee un he fährt seven Bärge erop un seven Bärge eraaf un he stellt sech vöar, wie dat Deansche in dän Appel biete de-it un ös tufree-e met sech un där Wält un we-it, Flitzepitter ös meah ees bloas en Dinns.

nach Gerhard Meisters in Berndeutsch verfasstem „Velokurier“,
^{Quelle:
Sprechtexte 7: Viicher&Vegetarier, edition spoken script. Seite 70, Verlag: Der gesunde Menschenverstand}