Satirische Leichenpredigt

auf Jakob Schwenk, wohlverdienter Küster und Schulmeister zu Saarn im 18.Jh., abgeschaut bei Jakob Sackmann (1643 – 1718), ergänzt und in Mölmsch Platt übertragen von Franz Firla

_{Der Bezug zu Saarn ist rein fiktiv}

Teil 1

Waal wöinerliche Wööt sin et, minne aandächtige, hattlich leewe, tum De-il truurige Tuhöarer, die we-i be-i dem easten van de chroate Profete, ick me-in dän hilligen Profet Isaia, opcheteiknet fe-ine, wenn he sech alsoa vernehme löt: „Es spricht eine Stimme: Predige! Und er sprach: Was soll ich predigen? - Alles Fleisch ist Heu!“ Diese Wööt stoune cheschreewen im vertigste Kapittel , dosselwes im ssääste Fääsch.
Minne Aandäächtige! Ick will me-i charnee wietlöppisch inloote, te ounerssööke, un ut hiedi Wööt te bewiese traachte, dat et all tu Isaias Tieden in Chebruuk woar, ssiälig verstorwene Persoane en chrestliche Liekenprädich, off winichstens en Standpauke te haule, und dat velle-ichs all domols ees en „pars salarii“ met aancherekenet wodden ös, do chitt velleichs dinke künnent, dat ick föar die Möh nicks nämme wäd, merr ick will ink mol soavöll sseggen: ees ick am vöarige Fridaach, do ick noch am Middachsdeesch ssoat, un ewes min bettschen Stockfeesch met chrööne Erte erouner chebraach hadden un en Pinneken Kömel dropssette woul, föar die beetere Verdauung van dat lecker Freete, min kle-in Dochder Änneken aancheloupen koam, un ut vollem Hals reep: Papa, de Schoalme-ister ös doad! ( Söi häd waal waachde ssölle, bös ick min Moltied an’t E-in chebraach had, merr de Ke-iner verstoon dat nee)Ees min Dochder me-i dat tureep, ssäch ick, do daach ick, dat dat chenau datselwe ös, ees wenn do steiht: : E s spricht eine Stimme :Predige! Und er sprach: Was soll ich predigen? - Alles Fleisch ist Heu!
Manech Wiesnaas maach hie sseggen: „Wat prädich usen Paschtoar denn do? Ös aals Fle-isch Heu, soa mutt jo ouk waal aals Heu Fle-isch sin!“ (Genau das versucht uns ja heute die vegane Esskultur vorzugaukeln) Ick dink äwwer, he wöd de Nas kruus trecke, wemme öm am Middaachsdeesch anstatt Fle-isch Heu vöarssette dead. Un ick häd ouk Urssaake, de Nas kruus te maake, dou minäächtigen Chrowian! De-isse dinnen Siälehirt föar en Heuoosse haule, dat he nee we-it, wat dat Woot vam Isaias te bedüüen heet? „Alles Fleisch ist Heu“ will us sseggen: Alle Menschen sind wie Heu, sind so vergänglich wie Heu, off ees de chresliche Kerke ssingk: „Alle Menschen müssen sterben, alles muss vergehn wie Heu“. Aal Minsche, uutchenohme Hennoch un Elias! Merr twea Schwalven maaken noh lang ke-inen Ssummer.
Jo, wenn sech dä Doad met Che-ild besteeke leet, do dead manche-inen Chizhals ssinnen Hatten noch en Stoat cheewe un tellden em paar dusend Dalerkes her, merr de Doad löt sech nee schmeere, he mack et chenau ees usen Schoalme-ister ömmer te sseggen pleechden: „Wat Vedder! Wat Fröind! Jung, treck de Buksche raf!“

Dä Doad löt sech ouk nee duar Ssaldote, Hellebarden, Flinte un Kanone affhaule. Ouk us Fürste un Chrafe. Die Chrafe van Daun-Falkenste-in, dä Wirich und all die, wu sindse? Mortuus est!
Op dat Schloß Brooke wonden, ees ick noch en Schöler woar, dä Wilhelm Wirich. Wu ös he affchebleewen: Mortuus est.
Sinnen Ssohn Alexander woad erschoote vam Moritz van Stirm: Mortuus est. Jo, wat che-iht dä ouk noh de Katholische?
Die op Schloß Brooke woaren chudde Protestante. Ick sinn selwes dükkes do chewäs, wenn et Konzerte choaf. Do häpp ick dann tum easte Mol chedaach, dat ick im Hemmel wöar. Uutchwaassene Kääls van dattich, vertich Johren ssungen soa hoach ees de bäste Froulüüt, se nömmden sech Kastrate, dat woaren Verschnie-ene. Do ssüh ees aan, wat chiffet denn te laache, leewe Deansches?
Ick chlöiv, dat chitt all we-ite, wu Bartel dän Most hoale de-id, un ink wäd waal met sonnen Kääl nee chedinnt, un wenn he ouk noch soa schöane Liddsche ssinge dead. Dä klooge Salomon heet ouk ees chessach, dat me sech nee unwohler föhle deid ees wie en Verschnie-enen be-i en Jungfrau. Ick haule dat ouk föar Unrääch, dattse Minsche soa verstümmele, offwahl se chanz vöarträfflich quinkiliere.
Merr dat se die latinische Wööt soa koamisch uutspreeke chefällt me-i char nee. Wenn do stoun: Ceciderunt, do ssunge se Tschetschiderunt. Dat is jo en dommen Kall; wat föarn Döiwel ssall dat roo-e, wat dat he-iten ssall? Wören se be-i usem sseäligen Schoalme-ister in de Schoal chechange, do wille se auners bookstabiere cheliart häwwen. Ick häpp me-i sseggen loten, dat se in chanz Italien soa undütsch spreeke ssalle. –
Merr nee blos use Fürste un Chrafen sin chestorwe, ouk use Bischöppe un öare Froue. Ees dat be-i usem Paulus cheschreewen ste-iht: Ein Bischof soll sein eines Weibes M a n n.“ Be-i dä Katholische ös et ssöös verboo-en, dat de Che-isliche Fraue häwwen, merr Huare dörwden se waal häwwen; Enschöiligung, ick ssall waal nee Huren seggen, dat ös te butt; be-i Fürsten hitt dat Mätressen.
Ja, nu sin ick noch ut de aule Wält; do nömp me en jedet Ding be-i sinnen Name, un me-i dünk, soa woar et ouk beeter. Merr vandaach, wu en Böis nee meah Böis, merr en Weste he-it, do en Stohl nee meah Stohl, merr Schäse , ene Hure neemeah Huar merr Mätresse, un en Schelm en Politiker he-it, nou ös et Bääs van de Wält aaf.
Dä Doad heet äwwer ouk nee vöar de Muure vam Kloaster Hault chemack. Wu ös de Äbtissin Maria Magdalena von Brempt ? Mortuus est. Maria Theresia von Reuschenberg? Mortuus est. Johanna Wilhelmina von Bentinck? Mortuus est. Maria Theresia von Brederode? Mortuus est. Echal off se nou fromm woare off nee. Un do de Doad van Försten, Kaiser und Künnige, Bischöppe , Äbte und Äbtissinne nee verschont, wat is et denn to verwunnern, dat he sech an unsem Schoalme-ister ouk verchreepen heet, offwahl he en länger Leven verdinnt heet, ees mannech Fürst, Könnig, Bischop un Äbtissinne. Usen sseäligen Schoalme-ister woar en sehr nötzlichen Kääl föar us Dörpken. Et sinner ouk aunere Hirteb do, me heet Kohhirte, Schaaphirte, Ferkeshirte; me heet ouk Chooshirte; ees me äwwer tum Choosehirt bloas Junges off Deansches nömmp, un se also dä aunere Hirte nee chlick sin, a l s o dörwen chitt ook nee me-ine, en Hirte ös en Hirte, ees jene Mann ssaach: en Ei ös en Ei! Un nömp sech dat chroate Ei.
Nee! Verhaftich! Soa chroat dä Ounerscheed ös ouner Schoopen, Ferkes, Oosse un Minsche, soa chroat ös he ouk ouner Ssiälehirte un aunere Hirte. Ssoan Ssiälehirt woar denn ouk usen sseäligen Metbruuer, merr, ees me sech dinke kann, in en nederen Ssinn, ees ick, der ick summus episcopus, dä böwerste Hirte van de Ssaansche Herde und Chemeinde s i n. Dä chudde sselige Mann hadde de jungen, ick häp die aule Ssiäle ouner minner Opsseech; he weidete de Lämmer, ick de Schoope. Ja, Schoope chingk jo waal noch, wemme nee soa völl Böcke un Hippe drauner wöare! Dise maaken en armen Ssiälehirt dat Leewen ssuur, dat he manechmol mit däm Propheten Jonas ssüüfz: „Ich wollte lieber tot sein als leben!“
Usen sseäligen Schoalme-ister moot dat ouk lii-e; me we-it waal, van wat dat ös: Jugend hat keine Tugend!
Merr he woar brav drachterher, wenn se öwemöötich wode off öare Leckschione nee cheliart hadden. He chingk äwwer nee met se öm ees en Henker, dä se Tyrann off Schinnerknääch, däse trebelliere off se allemole öwwer e-inen Kaump schiäre woul.
Nohdäm wat e-inen verbrooke had, nohdäm wood he bestroof. Eas kreeg he Uahrfiege, dann Backfiege off –kniepe, dann had dat Föttsche Kirmes.( Die le-erne Futt trock he ömmer stramm in de Höchte, dat dat Aachterkastell chanz prall wood). He schlug met däm Bänsel vöar de Buksche, un wenn he et te butt mackden, dann choaf et waal ouk ees e-ine mit dän Reetstock op de bloote Statt. Noh de Ermahnung van däm kloogen Salomon: „Wer sein Kind lieb hat, der hält es unter der Ruthen“.
Die „Ruthen“ hadden he vöarher in’t Water cheleeg, dat se beeter döartrocke, un dise Stroof ös ouk‘t allerbääs, do behaule de Junges chessoune Knööke be-i.
He hadde ouk en chanz bessouneren Kniff: Wenn de Buksche rouner woar, soa kreeg he dä Jung töschen de Be-in, schluag sin rääch Knee öwwer om, met de linke Haund heel he öm dat Chenick nie-er, do hadde he öm in ssinner Chewault, dat he ke-inen Ruck maaken koun, wenn he met de räächte Haund
hauden. Dat häpp ick ouk van öm cheliart un be-i minne Ke-iner praktezeert, denn artifici in sua arte credendum est. (der Künstler ist in seiner Kunst zu würdigen).
Manechmol moote se sech waal ouk met de bloote Knee op Keässe-ste-in knie-e, un dat holp be-i etliche meah ees Schlääch: noh de Regul Pauli: Prüfet alles und das Gute behaltet!

Teil 2 folgt