Wärm aantrecke =
- hochgeladen von Brigitte Bogers
zieht Euch warm an!
Wat wohd als so erömverzält:
dat es kinne Wenter ohn Kält.
Kin Ies-Scholle op dr Rhing,
wat fröher bald alle Johr ze sin.
Äwer jetz esset endlich so wiet,
mer hant rongkeröm Wenterziet.
Op eemol esset janz lecker kalt
en ons Stadt - nit nur em Wald.
Dröm treckt Üch wärm aan, lev Lütt,
ömdat kin Jripp aan Üch eraankütt.
Do nötzd Ongerwäsch von Medima
am beste för eso ieskalt Klima.
Bes öwer de Ohre en Wollmötz
jäje Hoste on Schnoppe jot nötzd.
Janze dicke Schafswollsocke
wöhde jetz flöck aanjetrocke.
Dä alde Muff vom Omma Jret
och dobei jot Dienst als däht.
Flöck erinjekickt en de Kleederkast,
wat fijürlech hütt als noch passt.
On dann erus en de Natur jejöckt,
dr Rhing eraf on widder zeröck.
Ob wiet drusse odder he in dr Stadt,
frische Luft hät noch kinnem jeschadt.
B. Bo. / 2. Feb. 2012
Autor:Brigitte Bogers aus Düsseldorf |
9 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.