Minne Vatter
- hochgeladen von Brigitte Bogers
Hier möchte ich meinen Vater vorstellen. Er war mitunter
sehr witzig und schlagfertig. Es handelt sich um einen
"Tatsachenbericht" aus den 50er Jahren.
Öfters mohd ich an minne Vatter denke,
he wor hääzensjot, witzich on schlau,
för Jerechtichket emmr dat richtije Hängke,
dran erenner ich mich noch janz jenau.
En neu Metzjerei hadden opjemaht,
op en flöck Verdeene enorm erpischt.
Do hät minne Vatter op sin eijene Aht
denne listich höösch eens usjewischt.
He kooften als selvst sin Fröhstöckswoosch,
dä Pries wor öm äwer fies ze hoch.
Dröm wollten he för dr näxte Doosch
jlich en Blöske Kamilletee noch.
Dat konnt en so tüchtich Metzjersfrau
pattu als widder janit verston.
Dröm meenten se drektemang jenau,
dat he sech bestemmt domet verdon.
"Nein gute Frau", drop dä Vatter kühl
äwer doch höflech öwer de Theek,
"ich hab auf einmal ein komisch Jefühl,
als wär ich hier in ner Apotheek!"
Norem Zahle wohd stolz erusmascheert,
denne hät he et äwer mol jedeut!
Zehuus wohd sech köstlech amüseert,
wie e Kengk hadden he sech jefreut.
Döhs ich owens emol so still vör mech hin,
meen ich hütt noch dat verschmitzde Lache ze sin.
B. Bo. / Juli 2000
Autor:Brigitte Bogers aus Düsseldorf |
7 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.