Et kütt wie et kütt
- hochgeladen von Brigitte Bogers
Em Portemonnä send miest kin Kröte,
se jont von Daach ze Daach ons flöte,
dat jeht sozesahre janz flöck.
De Kröte drusse en dr Natur
komme jetz eesch richtich op Tuur,
jont hööschkes op Fröhlingsjöck.
En Jerresheim on em Aaper Wald
wand’re se eröm, weil nimmieh kalt,
öm aan ehr Laichjewässer ze jon.
Opjepasst op so’n Krötetrabente,
nit drop trähde met Üer Quante,
mr moss jet för de Ömwelt don.
°°°°°°°°°°°°
Morje hammer „Tag der Krokusblüte“,
domet dommer als dr Lenz inlühde,
on dat em janze Stadtmillijö.
Et wöhd jeschmöckt aan Ecke on Kant
bes hin zom Rhing, wo dat blaue Band
schon fünnef Johr kütt als en de Höh.
Fünnef Millijone Zwibbel am Bejinn,
die domols en de Ähd jekomme send,
jetz send et sibbe Mio – meine Jüte!
On von dr Schmittmanns Brennerei
kütt jetz noch en Novität dobei:
ene Schabau us dr Krokusblüte.
Wemmer dä Krokusdaach däht fiere,
könnte mer dä och emol probiere...
©B. Bo. / 9. März 2012
(Foto von 2009)
Autor:Brigitte Bogers aus Düsseldorf |
3 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.