Et kütt wie et kütt

En bisske han ich zesamme jekritt,
von däm wat eso kütt wie et kütt:

No däm iieskalde Hoch, dä "Cooper",
met Minusjrade, die wo mer hier nit kennt,
kom och noch dä "Dieter", wor janit super,
wemmer drusse dörch de Jejend rennt.

Schönheit jeht wie bekannt öwer alles,
nit nur bei Minsche, och aanem Projekt.
Do kritt mer äwer mächtich dr Dalles,
wemmer han well, wat mr sech uusheckt.

Em Rothuus wohdens uusklamüserd,
wat neu ze staffere wör en ons Stadt.
Do jinget öm Plätz on och öm Hüüser,
jewisse Schäde hammer he jo satt.

Dä Max-Platz hant se sech vörjenomme,
hä wor enzwesche schon ene Schandfleck.
Dörch wild Autoparke langsam verkomme,
erfüllt so'n jode Anlage kinne Zweck.

Och de Lambätes-Basilika kütt draan,
se wöhd jetz möngkesmooß saneert,
öm dat mr widder jähn rinjon kann
on sech no drusse hin nit blameert.

Met dr Ulmer Höh esset jetz am Eng,
dä Bau hät schon vell Johr op dr Rügge.
De Häftlinge krieje janz neuje Wäng,
öm dat se ehr "Ziet" feiner öwerbrügge.

Doför mossten ons Stadt owe em Norde
sech extra en passend Jrondstöck koofe.
De "Ulm" hee wor vell ze kleen jeworde,
jetz mösse de Besöker wat wiieder loofe.

On nu kritt Tina Jiese noch Konkerenz :
Ricarda Kiwit, och Kennerin für Jadens,
möhd am Kö-Jrawe jään Bloomekäst han,
wolle mer emol op dat Erjebnis wahde.

Bloome jäje Efeu = wat en spannend Spell,
Bänk anstatt wisse Steen met all däm Jröns.
Hauptsach et kost am Eng nit ze vell,
enää - wat ene Brassel, wat för en Jedöns!

Äwer mer wolle ons kin Kopping make,
em Sommer dommer bestemmt dröwer lache.

B. Bo. / 10. Feb. 2012