Ripuarischer Nachtwächter 4
- Kein Besen! Elvis lebt....
- hochgeladen von Paul Scharrenbroich
Nähtswäschter 4
Besten Dank, Herrn von Dingelstedt
Dr Nähtswäschter hät jenausu e Häzz
wie nen Här em Salon bei de Fraue,
och hä hät em Fröhjohr kenn Rauh em Stääz,
wann om Daach de Katze miaue.
Jonn esch vam Stina fott enn dr Deens,
ess dat su enfach nit, wie du meens,
dann wünsch esch döckes, esch wör Frisör…
Jo, wann et nur nit su nen Bessem wör.
Esch benn an et Stina su lang alt jewennt,
et hät Fahle vill mieh wie mr bruch.
Singe Vatter vermahden mir per Testament,
singen Job un domet nit jenuch:
et Hus un et Konto un vör allem si Weet,
Jott trühs ihn doför enn dr Iewischkeet.
Et Läve ess herrlisch alabonnör –
Jo, wann et nur nit su nen Bessem wör.
Mir läven wie Engelscher meteneen
wie em Paradies vür däm Appel,
de Leev ess su jruß un de Sorje sinn kleen,
et jüt kee Jezänks un Jezappel.
Et Stina schlöf nähts un esch schlof am Daach,
un et drenk de Fläsch leer, wann esch nit mieh mach,
un et speut och nit en Kohn un Likör….
Jo, wann et nur nit su nen Bessem wör.
Wann esch nähts jangswäjes drheem kontrollier,
ess mr niemols jet opjefalle,
drömswelle kütt bei us och dat nit vür
wovan de Kolleje all kalle.
Do jeht et zo wie em Duveschlaach:
erenn enn dr Näht un erus am Daach.
Et Stina bruch kennen Karressör…..
Jo, wann et nur nit su nen Bessem wör.
Autor:Paul Scharrenbroich aus Monheim am Rhein |
7 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.