Ne Ahle
- Ne Neue
- hochgeladen von Paul Scharrenbroich
Nach „En Aulen“ von Fritz Sauerbrey, Mülheim
Vill Freud hät dä, dä Kenger hät,
ävver häs de’r eent, dann fählt noch jet.
De Terbecks van dr Breuerstroß,
die wollden noch nen zwedden Quoß,
domet dä kleene Juppemann
och noch nen Broder sollden han.
E Stöck Zucker op de Finsterbank,
un drop – et durden jarnit lang
et ess Verloß op su nen Storsch,
do wor dat Brödersche besorsch.
Jitz loch et do em Weejebett,
kleen, schromplisch, nit e bessje nett.
Däm Jüppsche wor dat jarnit räht.
„Papp, wat hätt dä us bloß jebräht?
Dä höht jo nit et Brölle op,
un hät kee enzisch Hor om Kopp!“
„Kenn Angs“ säht dä, „dä kritt och Hore,
hä ess jo nu ens jrad jebore.“
Dä Kleen bröllt, wie et sesch jehöht
un wor bal kradeplatt un möd,
su loch et stell, dat neue Knäbsche
un dit ns jappe, wie e Ääpsche.
Do reef et Jüppsche; „Papp, süsch ahn,
dä hät en Pläät un kenne Zahn –
dat hätts de besser reklamiert,
dän muss de nit behale,
do hät dä Storsch desch anjeschmiert –
dat ess bestemmb nen Ahle“
Autor:Paul Scharrenbroich aus Monheim am Rhein |
6 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.