Medden us däm Läve - Monnemer Platt
- En dr Watt
- hochgeladen von Paul Scharrenbroich
Esu es et
Et Jretche soß am Köschedösch,
wobei et Rotz un Wasser kresch:
Dä Pitter, singe Sunnesching,
dä fisternöllt mem Böllmanns Tring.
Mr wor sech doch esu joot wie eenich –
et Jret wor wöhdich un undöhnich.
Singe Papp, dä Drickes, kom erenn
un knallt de Dür, hatt schlähte Senn.
Hä wor jrad en dr Watt am Rhing,
wollt Foder holle för de Kning,
ävver ‚t Heu, wat hä op Huste jestallt,
wor klätschenass un fuhlden alt.
Se knaatschten un donnerkielten, die zwei,
do kom noch de Tant Minche dobei;
die hoht sech all dat Äleng an,
bedäht sech jet un sähden dann:
„Als ov dat nit jedereene wöss –
Heumache un Freie sin döckes ömmesöss.“
Autor:Paul Scharrenbroich aus Monheim am Rhein |
12 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.