Leedsche em Advent 3
- hochgeladen von Paul Scharrenbroich
Winterwonderland
Wöhd et Chressdaach ens schneie, dit sesch mancheener freue,
ävver - mach dr nüx drus, et süht nit donoh us:
nüx es met däm Winterwunderland.
Fröher kunnten de Blare öm dies' Zigg Schlitte fahre,
do schneiden et satt em Bösch, en dr Watt:
dat wor noch e Winterwunderland.
Och wat mahten mir för Schlittetoure
en dr Bösch, nohm Nüdsteen, an dr Rhing,
un wie mir dr Damm erungerfuhre
wann et rischtisch an ze schneie fing.
ur esch jitz us däm Finster blöhe Flette un Jinster
un Mulöppscher schön, üvverall es et jrön,
nüx es met däm Winterwunderland.
Damols kunnte mir noch Schlittschoh lofe
om Bennewasser un om Baggerloch;
mr moht doför kenn Entreddskahte kofe -
wer kennt dann hück et Entepöölsche noch?
Fröher kunnten de Blare öm dies' Zigg Schlitte fahre,
do schneiden et satt em Bösch, en dr Watt:
dat wor noch e Winterwunderland,
.....
ävver mach dr nüx drus, et süht nit donoh us:
nüx es met däm Winterwunderland
Autor:Paul Scharrenbroich aus Monheim am Rhein |
8 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.