Et jeht widder loss....

Selver lache maht Spass

Halt bloß am Fastelovend fass
un fier op echte Aht,
et schöns‘ em Läve es dä Spass,
dä mr sesch selver maht.

Dun wie die Ahle, höpp un spreng,
un mach jet för ze lache,
es et nit herrlich, för sesch selvs
verjnööch de Aap ze mache?

Wann‘t och noch angere Lück jefällt,
se loßen desch koom jonn,
dann häs de su janz nävverbei
noch e jood Werk jedonn.

Wöhd ävver nur eröm jeknas, -
trühß desch un loß se sabbere,
et es jo nit et schlähtste Obbs,
wodran de Wepsche knabbere.

Gefällt 3 mal3

Autor: