Kalenderblatt op Monnemer Platt
- hochgeladen von Paul Scharrenbroich
November
Kalt es et nähts, dachsüvver es et dröv,
de Welt es voller Trur un kallt vam Sterve.
Em Park litt jitz en dreckisch brunge Höf,
wat jestere noch jelöht’ en alle Färve.
Alles verjeht, un nüx, wat üvverdurt,
un och et Johr höht op, voll Kraff ze blänke,
Dr Minsch besök sing Dude, un hä trurt,
dat es de Zigg, för an et Eng ze denke.
Et jütt ävver jitz och wunderbare
jenöchlijje Feste en de Famillije,
vill jruße und ärch verdeente Hillije
fieren dise Mond ir Namensdare.
Su es sujar die bedrövde Zigg
och e Stöck Läve em Kalender.
Nüx es am Eng, un alles jeht fender,
wann och woangesch un met ange Lück
o
Autor:Paul Scharrenbroich aus Monheim am Rhein |
15 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.