Esch freu mesch - op Platt
- hochgeladen von Paul Scharrenbroich
Sozusagen grundlos vergnügt
heesch dat wunderbare Jedich van Mascha Kaleko, dat mr eejentlich alle Minsche jede Morje bei de Zeitung läje möht.
För minge Monnemer Anspruch han ich mr dat üvversetz un dann heesch dat
Fruh ohne Jrongk
Esch freu mesch, dat do bovven Wölkcher trecke,
un dat et hagelt, fiselt, schneit un rähnt,
un och, dat mir et Fröhjohrsjröns bejähnt,
met Primelcher un Strüsch un Hecke.
dat Krohne jrohne und dat Mähle flöte,
dat Möcke jöcke un dat Tulpe löhte,
dat et neu Kleedcher jüt un neu Frisure,
dat Kenger laache un dat Ahle lure.
Esch freu mesch, dat et Mond un Stähne jüt,
dat jeden Daach et Sönnche widderkütt.
Dat Johreszigge kumme un verjonn’
es schön. Mr muss dat nit verstonn,
wann mr sesch sillich dran erfreue deht,
dat es et doch, woröm et wirklich jeht.
Esch freu mesch su, esch hoff dat du dat kenns:
esch freu mesch eefach minger Existenz.
Esch bin dr janzen Daach leht wie en Fedder,
un wat ze dunn es, flupp mr wie jeschmiert,
an su nem Daach, do klömmb mr op där Ledder,
die tireck an et Himmelspöhzje führt.
Esch föhl mesch hück su neutestamentarisch
met alle Minsche eens un solidarisch.
Esch freu mesch, dat esch all dat Schöne kenne,
mesch dran erfreu un niemols dran jewenne,
dat jede Daach e Wunder es – un immer widder neu…
esch freu mesch su, dat …. Dat esch mesch freu.
Autor:Paul Scharrenbroich aus Monheim am Rhein |
1 Kommentar
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.