April op Monnemer Platt
- Bärlauch in der Kräuterwiese
- hochgeladen von Paul Scharrenbroich
April
Ne Härjottszewächdriever van Jeburt,
dä selver nit weeß, wat hä will,
dä himmelhuh juz - un koht drop kriesch un trurt,
e Drama, wat dressich Dach lang durt,
jangk mr fott met däm April.
Du jehs bei Sunnesching us däm Hus,
et wöhd Summer, mr kann et alt merke,
jo, du löhß alt et Ungerjäckche us,
un dann küss de heem, dat mr’t sare muss,
verköhlt un nass wie e Ferke.
De Osterhase sin jitz op Jöck
met Pohscheier un Schnöppereie,
us sillije Kengerzigge e Stöck
brängk us de Osterzigg zeröck,
un Jruß un Kleen deht sesch freue.
Dat dat stemmb, met dä Hase, dat weeß esch jenau,
du jlövs et nit? Mingerwäje…
Ävver neulich hant en ‚ner Kuhl en dr Au
drei Döppe met Färve, rud, jell un blau,
met de Pinsele dren jeläje.
Hier das Original
Autor:Paul Scharrenbroich aus Monheim am Rhein |
5 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.