Kalenderblatt op Monnemer Platt
- hochgeladen von Paul Scharrenbroich
Februar
Wer jitz nüx hät, dä es nit jesongk,
bei all dä Bazille un Vire
jüt et för Jesongkheit kenne Jrongk,
dat es üvverall ze hüre.
Ävver trotzdäm fange mir an, en dr Mang
noh dr Pappnas, däm Höötche ze muse,
un wat us bedröck e Läve lang,
dat kann jitz es bessje puse.
Un mr maht sech zesamme dr Werkeldaach schön
un mr höpp un sengk ahle Leeder,
mr lache van Häzze, dr Ühm un de Möhn,
dat deht zo där Zigg hie jeder.
Ov Aujus, Prinzessin oder Domptör,
Pirat oder Mademoiselle,
jeder zeech sich, wie hä jähn em Läve wör,
un höht op, sech zo verstelle.
Dann kütt Äschermettwoch un et wöhd Zigg
all dä Krom widder enzeschleeße.
Un me’m Äschekrüxje dunt de Lück
och bal widder hooste un neeße.
Autor:Paul Scharrenbroich aus Monheim am Rhein |
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.