Selver schold - Monnemer Platt
- hochgeladen von Paul Scharrenbroich
Selver schold ?
En usem Vürjahde süht es uus! De Müllkipp van Neapel en Monnem am Rhing. Dr Droht van de Wahlplakate un vam Zirkes Jloria litt am Zung töschen Zirettekippe un läddijje Ziretteduse. Tempos met Schnudderbelle un Höngkschesföttschesstriefe sinn em Erika fass verankert, Brüütschesblose flejen mem Wengk hin un her, de ToGo-Plastikdöppe hant ihr Pflich jedonn, dr Eistee un de Flutschfengere sin op, un kleene Feischlinge un jruße Bierfläsche lunken van unger dr Brennende Liebe.
Et Nohbesch Kättsche säht, dat es de Polizei schold, de Polizei muss sesch dröm kömmere, dat die Drecksäck geschnapp un bestrof wähde.“
Dr Achmed, om Wäje noh dr Moschee, säht, „de Stadt möht mieh Papierkörv un Avfallemmere installiere,
die ahl Frau Schmitz behaup, dat litt an de Eldere, die brängen et de Blare nit bei, wie et sesch jehöht
dr Papp meent, se krijjen et nit beijebräht en dr Schull, de Liehrer möhten do doch vill mieh…..
Em Fernsehen sare se, de Industrie met ihrem Verpackungskrom möht mr do erankrijje,
Us Kleen meent, esch hätt dr Zung nen Meter hühder baue loße sölle…..
Polizei, Stadt, Eldere, Liehrer. Industrie un sujar esch – all sind se et schold!!
Wat ess eejentlesch met dänne Drecksäck, die dä Dress üvverall falle loße???
Autor:Paul Scharrenbroich aus Monheim am Rhein |
4 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.