Sankt Martin op Platt
- hochgeladen von Paul Scharrenbroich
Zink‘ Mähtes
Uselijjen November-Ovend,
flögg dr Krare huhjeklapp,
Häng deep en de Mantelstäsche,
durch et Dörp em Ferkestrab.---
Un op eemol spillt de Musik,
un op eemol wöhd et hell,
ech bliev stonn am Scheldchesjässje,
röpp mech nit mieh van dr Stell.
Tösche Kradepool un Kamp
Put an Put un Lamp an Lamp,
Kengerore strahle jet
met de Kääzjer öm de Wett,
Hohle Kürbess‘, Knolleköpp
han die jrüttste van dä Ströpp,
un die Kleene Jäus un Müsjer,
Sonn un Mond un bongkte Hüsjer.
Pänz us aller Häre Länder,
us dr Siedlung un van fender,
Mamm un Papp em selve Schrett
schwade, lache, sengen met
Mähtes-Leedcher op däm Wäch,
durchereen un hatt un schräch,
un dr Liehrer luren deht,
dat err‘ keent verlore jeht......
Längs sin se vörbeijetrocke
un et Volk hät sech verlofe,
un ech denk an Kengerzigge,
die dat Beld zeröckjerofe,
sinn mech selver noch ens metjonn,
hüren noch van fähns de Tröt,
un ech seng om Heemwäch vür mech,
un ech kann sujar de Wöht.
Autor:Paul Scharrenbroich aus Monheim am Rhein |
11 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.