L. Bechsteins Ritter Blaubart op Monnmer Platt

Et Mährsche vam Ritter Blaubaht

L. Bechstein

Et wor ens nen jewaltijen Ritter, dä wor bökerisch an Jeild un Joot un lävden en singem Mott wie Jott en Frankreich. Singen Baht wor blau, drömswelle heeschden hä üvverall dr Blaubaht, ovschun hä angesch jedööf wor, ävver singen Chrestename weeß kee Minsch mieh.
Hä hadden alt e paar mol jehierot, ävver mr verzohl sesch, dat all sing Fraue flögg hengereen veriewisch wohde wore, ohne dat mr sare künnt, wodran se jeledden hädde. Su wor dr Blaubaht ens widder op Brautschau, un do wor en Adelsfrau en dr Nohberschaff met zwei staats Weeter un e paar kurrante Jonge, un die Blare hatten sesch ungereen ärsch jähn.
Nu hadden dr Blaubaht die Mädscher em Ooch, ävver kennt van dä Zwei wollt jet van ihm, se wollten nit jähn usereen jonn un woren och jet bang vör däm blaue Baht. Su lod dr Ritter de Mamm un ihr Schmölzje komplett op si Schloss enn, un do wohd inne alles jebodde an Pläsier un Vermaach, wat mr sesch denke kann, Et jingk op de Jach, et jov jruß Jelochs, Danz, Spill un Spass zebaschte, bes et letz dat jüngste Weet sesch breetschlare leht und sesch bekalle leht, dr Blaubaht ze hierode. Koot drop jov et en Huhzigg met allem Stööz un Jedöns drömeröm.
Bal drop sähd dr Blaubart för sing Frau: „Esch muss op Reise jonn, un su lang, wie esch ungerwäjes ben, häs du hie et Rejalt üvver Hus un Hoff un alles wat mir jehöht. Hieh häs de de Schlössele für alle Dürre, und du kanns en jedes Zemmer erenn. Nur hieh dä jolde Schlössel, dä jehöht op de Dür vam letzte Kämmersche am Eng vam Jang. Dä Schlössel darfs de nit bruche, en däm Zemmer häs de nix ze söke, esch verbeede dir also, do erenn ze lure, sös jeht et dir an et Läve. Mahs du die Dür op, wöhd ding Neuschier schlemm bestrof; Esch möhd desch met ming eejene Häng köppe….“ Eesch wollt die Frau dä joldene Schlössel jarnit ahnnämme, ävver schließlesch hatt hä et ihr ennjekallt un sie versproch, joot drop opzepasse un ihn nit ze bruche.
Dr Jemahl wor op Ret tun de junge Frau kreesch Besök van ihrer Schwester un ihr Bröder, die jähn op Jach jingen. Zesamme leefen se durch alle Jäng un Zemmere em Schloss, neuschieresch un jespannt, wat et ze sinn jöv, un su komen se zeletz och an dat Kabinett, för dat dr joldene Schlössel bestemmb wor. Nä, bei aller Neuschier, dat wolld se nit reskiere, do erenn ze lure. Ävver de Schwester jov sesch an et Öve: dodrenn hät dingen Blaubaht sescher et Jrüttste van sing Schätzjer verstoche und dat well hä dir nit zeeje, un dat muss dä doch jarnit merke. Koot un joot, et letz wohd dr joldene Schlössel doch en et Schloss jesteck – met nem Knall floch die Dür op un en däm dämmrije Leet em Kämmersche sochen se jet Jruselijjes: de bloodijje Köpp van all dänne fröhere Fraue vam Blaubaht, die jenau esu neuschieresch jewäse wore, wie die aktuelle, un die dr Ritter drömswelle met sing eeje Häng jeköpp hadden.
En Dudesängs leefen die Schwestere fott, dobei feel dr Schlossel erav, un wie se ihn opraffden, woren Blootsflecke dran. Die Flecke jingen nit av un se kreeschen och die Dür vam Kabinett nit widder zo, weil et Schloss verhex wor. Druße vürm Schloss hoot mr Trötesignale van Reiter, un de Frau meenten, dat ihr Bröder van dr Jach köme, dobei wor et ävver dr Ritter Blaubaht, und dä hadden nix Ielijeres ze dunn, wie sing Frau ze söke und die dann och tireck nohm joldene Schlösselsche ze frore. Hä leef henger ihr her, wie se dä Schlössel hollden, un hä soch tireck, wat loss wor. „Esch hadden desch jewarnt, esch han dir et janze Schloss jeloße – du hätts hie wie en Künnijin läve künne, wann du op mesch jehoot hädds. Jitz ess et vörbei met dir…“
En Ängs un Panik leef sie bei ihr Schwester un säht: „Klömm bovven op dr Tohn un lur, ov de Bröder noch nit kumme un wann dann jäv dänne e Zeesche…“ Un se feel op de Kneen un dit sesch bäde. Immer wieder frochden se ; „Schwester, sühß de noch kenner?“ Ävver do kom nix.
Dr Ritter wor am dunnerkiele: „Kumm erav, Frau, du bess jitz dran.“
Su jingk dat en janze Zigg, de Ängs wohden immer jrütter, dr Blaubaht immer wöhdijjer.
Wie dr Blaubaht sesch dranjov, sing Frau vam Tohn eravzeholle, un alt vör dr Dür am rangeniere wor, komen endlesch de Bröder, un wie dr Blaubaht alt mem Zabel en et Turmzemmer kom, hatten se ihn am Schlafittsche , e paar Schlääch, - un dr Blaubaht hadden et henger sesch.
Et hadden noch ens jood jejange, ävver die Frau wor van dr Neuschier jeheeld.