Fehlalarm im Dorf op Platt von Heinrich Goldberg (Anno 1922)

De Feuerwehr.
Wat ös dat bloß, wat mag dat sien,
wat ös dat fönnen helle Schien?
Dat löch bes hoch den Himmel ahn,
dat ös wir Brand, kass dou opahn!
Et süht wir ganz onheimlech ut;
T u t - t u t - t u t .
Herut, herut!
Wat nau passiert,
de Feuerwehr wörd allarmiert.
Wat jegg do so, wat stürmp doher?
Dat ös doch onse Feuerwehr;
des Wehr, die lött sech lompen nit,
in müt´gen odder dröcken Tied,
allewiel geiht dat wie in Galopp!
H o p p - h o p p - h o p p -
necks hehlt sei op.
Jö, no den Brand!
Sind wei de erschten niet - en Schand.
Wat en Colonn! Die Speuten vür,
die Leddersch, Brandhök on so wir,
die Steigerlüh, die Speutmannschop,
met bonte Röck on Helmer op;
wat enne Schneid, wie alles klapp!
D r a p p - d r a p p - d r a p p -
ken Spiehr van Schlapp.
Jo, des Colonn
ös doch et ersch well in Aksjon.
Nau seck, wat jagg gei bloß so hatt,
eck glöw, gei lopp mar för de Katt;
denn ömmer schwaker wörd de Schien,
van Führ on Brand necks mer de siehn.
Woröm die Ihl, wofür die Müh?
H ü h - h ü h - h ü h -
Waach doch ens Lüh!
För necks gerannt,
ken Spur mer dor van Führ on Brand.
On endlech hehlt den Trupp ens ahn
on dreiht sech mar op Huhs opahn.
In Sturmschritt geiht dat wir doher;
Hurra, dat ös ons Feuerwehr!
Wat wor dat bloß, seck mech ens gau,
A u - a u - a u -
wie schlau, wie schlau!
Et schrehw et Zeitungsblatt,
en Nordleech hebben wei gehatt.

Viel Spaß beim Lesen und Verstehen.