Zahn ziehen beim Frisör op Platt, nacherzählt von F.v.R.

Datt hätt ek so Läwen nit gedoch.
So ´ne Schärbas ös doch änne klucke Mahn,
dä me för alles gut gebrucke kann.
Häj kann nit blohs Hohrschniehen on Schären,
häj wärd ock nit müd noch sös de lehren
met Sugigels-sätten on Süken van Trichinen
on Tändutträcken noch miehr de verdienen. -
Vandag ös de Mahn äwel schläg op sche´ck,
häj wohr verdrießlich, neks ging öhm flöck.
Do kömp heren be öhm e´nne Stow
ännen Bur ut et Derp; et wohr Henn Drow.
Wie süht denn ut? Ännen Duck öm de Kopp,
on bowen sett de Kapp wie ´nen Trechter dropp;
blass ös häj van Klöhr, häj knöch watt häj kann´
hält fass de Kopp segg mätt bättse Hann. -
Dä kömp de Schärbas vandag ganz räg.
Häj denk, dech well ek liehre, dech gäjt et schläch;
dou häs mech körts mätt de Botter bedrogen,
nou komm mar herien, dech well ek äns plogen!
Drow fing nou ahn: "Och, hälp mech gou ock,
eck glöw, eck hebb enne Mull kenne ganze Knok."
"Mar nit so bang", säht de Schärbas, " sätt dech ens hen!
Mak de Mull wiet open!" Nou kick häj herien
on säht: "Jo! Jo! Datt hält kennen länger ut!
Do ös neks de maken, den Tand mott herut!
Mar dat ös nit schlemm on weh düht et niet;
wenn kluck wej et maken, dan bös d´em bald quiet.
Kick, de´s dönne Kohrt öm den Tand eck bend,
on an´ne Fensterhok bend eck datt andere End. -
Nou legg dech äns wiet ut datt Fenster herut
on mak mech wiet open de kranke Schnuht!
So! so ös et gut, nou sassste äns siehn,
dou bös glick loss din ärge Pinn."
Mar nou?! Häj steck mätt en Nold - du liewe Tied -
On Döjker! Wie flügg dän en de Höch! -
Erut flügg ok den Tand. - Mar nou datt Geknöch.
Häj gripp mätt bättse Hann sech de Agtersitt
en riff on schuhrt die sech on rüpp:
"Datt hätt eck nit gedoch en min ganz Läwen
on wenn mech noch hondert Johr worde gegäwen;
nä, nit gedag hätt eck so Läwe so watt!"
"Watt!" - "Dat ännen Tand so lange Wortelen hat!"