Ohmen Scheng woll ens frejen. Aufgeschnappt und Nacherzählt op Platt von F.v.R.

Ohmen Scheng wor ens Knech bej enne Buur in Royen. Op den Hoff wor en Wiiw,
an die heij gier frejen wolde. Äver die Deern wolden niet. Sej had et en betschen in de Kopp on glövten, dat enes Dags enne feine Heer ut de Stadt koam, öm an ühr tu frejen. Ohmen Scheng had all vöel versück, äwel die Deern woll partuu nit ahnbiite.
Sös schlorn Ohmen Scheng op dees Gebiet nex tegen. Äver nau wohr heij pikiert. Heij noahm sech vör, dat feine Mädsche ens en döchteg Schabernack tu spöhlen.
Enes Dags had Ohmen Scheng sech en ganz Pond Natron ut Mürsch metgebroch.
Owens schlech heij sech op de Schloopkamer van de Deern on schödden de ganze Natron in ühr Naachgeschirr. On weijl beij den Buur alles in Order wor, moosten dat ganze Gesend öm tiehn Ühr owwens in et Bett sin. Ohmen Scheng ging kört vör tiehn op et Hüsken on bliew solang dor setten, bes dat heij hörden dat de statse Deern na bowen geng. Dann liep heij gau na butten, wo all drie jonge Kärls op öm wachten. Seij hadden all en lange Ledder an et Huus gelennt on wollden die nett Deern ens beij Mondlech bekieken. Ohmen Scheng stohn met twee van sin Spießgeselle bowen op de Ledder on wachten af, wat nau komme soll. Et dürnde nit lang, dor riep dat Mädsche in de Kamer Hemmel on Höll tosamen. Ut den groten Penkelpott quoll et erut on woll gar nit miehr ophüre zu schümme. "Buur, Buur, eck bön krank, eck bön krank", riep se ömmer döcker. Dor hürden se de Mannslüh an ühr Fenster laut lache, dat se gau dor drachter koam wat los woar. Seij noahm gau de Penkelspott, schlohn dat Fenster op on schödden de jonge Kärls de Kroam öwer de Köpp. Ohmen Scheng sprong van bowen de Ledder eronder on brok sech dorbeij en Been. Dat ös öm dür tu stohn gekomme, vertellden heij os, on met de Frejerei wor et nau vör ömmer ut.