Der neue Anzug op Platt von F. v. R.

Schnieder Pitt däj so av on tu wat näihje.
Du koam ens de Norber Schäng on froch na ennen neijen Anzuch. Jo, sägg Pit, koup dech ens op de Märt en fein Stöffken on dann well ek dech ens enne Anzuch make. Gesaag, gedohn, met de Anzuchstoff onder den Ärm na Schnieder Pitt. Heij avgemeete, de Röck, de Ärm, de Beijn van bowen bes an de Füht, de Brussömpfang on de Bugg; dor hadde se all dat Malöhr, dat Mahtband för avtumähte woar te kört. Pitt gow en Stöcksken an Läng dor tu on doch sech: et sall well gohrn. Beij de örschte Ahnprov soh et all standalich uut, de Bochsepiepe wat tu lang, on aan de Jack noch kenne Ärm on kenne Kraag drahn, äwel sons passend et. Beij et nächschte Kiehr, vertiehn Dag later, woar Schäng beij de Pitt on deij sech de Anzuch ahntrecke. Schäng säät: "Dat lenke Beijn ös wat lang?!" Pitt drop: "Oh, dat mäckt nex, dou strecks dat lenke Beijn beij et loupen wat met Schwung na vühre on dann geijt dat all." Beij de Jack wor öm vühre de Plack wat kört on de rechte Ärm wat tu lang. Pitt dor drop:"Dou mohs de Scholder wat na vühre schuwe on denn rechte Ärm ömmer wat strecke, so als wenn dou de Lüh de Hahnd gäwe wells, on dann geijt dat all." Nau, Sonndags de Schäng na de Kerk met de neijen Anzuch. De Lüh all and kieke on sägge, nä, de ärme Kerl, wie denn löpp, äwel enne guje Schnieder hätt heij.