De Dänneboom!

Diesen Text schrieb ich am 1. Weihnachtstag, es war noch früh, draußen war es noch dunkel und meine Familie lag noch in Ruhestellung!

Diese Begebenheit aus meiner Kinderzeit kam mir in den Sinn und ich schrieb es euch mal hier auf.

Märges, twee Daag vör de hilligen Owend, säät Vader, ahn osen Kökesdeesch settend, tägen mech:"Jong, vandaag gond weij in den Boosch enz kieke on enne Dänneboom sage!" Vader löppt in de Tömmerkamer, krös na en Saach, en Billeken, en Metz on kohm met all des Sakes erut. Öm säät mech:"Jong, weij fahre et Bess met et Rad in de Boosch on loote et en Stöck vör denn Boosch in de Graw legge!" Weij twee op et Rad, de ganze Saagkrohm an Lenker on achterdropp gebonde, on loss. En Stöck vör den Boosch aangekomme, et Rad in de Graw gedaut, de Saagkrohm onder de Ärm on ab, in denn Boosch. Hier enz gekeeke, dor enz gekeeke, bes ons so enne Dänneboom ock tusagte. Vader deij sech noch enz ömkieke, af nit grad Schmetz Pitt, dat wor de Förster, öm denn Eck kohm, on du ging et ma gau ant saage. Eck mohsde ömmer na all Siehje na Schmetz Pitt utschau halde, denn de dörwte et ja nit weete. Dor loach öm nau, de Boom, onder noch wat groot an de Stamm, noahm Vader de Bill on däj öm wat aanspetze. Nau äwel gau erutt ut de Boosch, de Boom op de Röck, op et Rad on gau na Huus. Önderwäges kohm os Schmetz Pitt met sin Motorrad met Hond on Flent in de Beiwage entäge on däj wat gremmig kieke. Tuhuus aangekoome dörvten eck met Vader de Boom in en Gestell schruwe on in de guje Stoov op en Döschke sette. Nau kohm Moder in de Stoov, se bekiekden sech dat Spöl on fing aan te Laache on säät:" Wat heb je dann dor vör enn kromm Deng gehallt?" Gewess, so op denn Döösch, soah öm wellen en betsche nekkrech uut!? Vader dreijden dat Böömke wat van vür na achter, äwel öm bliev ma so, met en kromme Spetz, enne Kneck in de Stamm, on ne Tack, denn ock noch fählden on en groot Look miekden. Nau wor guje Roat düür!? Ma wer in de Tömmerkamer, met de Boom, de önderschde Kranz avgesaach, enne Tack avgeschneije, en Look an de Kahle Stell, in de Stamm gedreiht, denn Tack ingesatt on met dat Gespüüs ma wer in de guje Stov. Onder et Boomgesdtell, op et Dööschke, nach en Kisske gesatt, soah sons wat mekkrech ut, van de Höch, bes an de Deck, on Vader on eck wore tufreije. Moder däj de Boom nau met Kugele, Spetz, Lametta, on Kerzen fein erut putze. Op denn Döösch nach de Krepp met de hillige Familli, Oos on Esel, en paar Schööp, Engel on de hillige drie Könning dorbeij gesatt, dor soach et all ganz manierlech uut. An de Hilligowend Märge kohm noch Schmetz Pitt vorbeij, broch ons enne Selfgeschootene Haas, vör et Fessäten aan de Daage met, on deij sech de geschmöckde Boom bekieke.

Wer hier etwas nicht lesen kann, darf sich vertrauensvoll an mich wenden.