Chaos vor Weihnachten in einem Brief op Platt

Liewe Tant Mechel!
Fröhliche Weihnachten van os Mamm, ose Papp on os kleejn Mariechen.
Äwer wenn dou et genau weten wels, et ös beij os noch nit erut, off weij Hilligowend genau op Hilligowend fieren können oder off weij nit de ganze Weihnachtsaktivitäten in de letzte Sekond noch opschuwen mötten.
Et ös nämlich so: Os Kripp ös enne Mordsapparat on onmöndich schwor. Dat ös jedes Johr enne ganz derben Brassel bis weij dat Deng ut den Keller bes in de guje Stov geschlepp hebben. On gister hebben weij da Salat gehat. Weij woren met alle Mahn en de Keller, wo weij de Krepp op en Schränksken met et Ingekookte stohn hebben. Os Mamm mos en de Ärpelskiss erien on de Papp moß op de Kohlenhoop klettere dormet seij överhaupt an de Krepp heran koosten. Äwer plötzlech ös de Papp met de Kohlenhoop in et Rötschen gekommen on os Mamm hat plötzlech de Verantwortung för de ganze Staal von Bethlehem met all de Lüh, de Schöp, den Esel on den Oos on ock de hillige drie Könige alleen gehatt, dat wor tu vöhl för os Mamm. Seij fällt met de ganze Schlamassel öm, hing nau quer in de Ärpelskiss, hät dat ganze Brett met de Kripp in de Nack hange on wor standalich ant mulen. Jedenfalls hebben weij ganz schön braselen mötten bis weij de Mamm, de Kripp, die Lüh on dat ganze Viehzeuch wer ut de Ärpelskiss erut hadden.
Dat End von et Lied: de Mamm hat en paar Schrammen avgekregen, de Staal von Bethlehem wor op een Sitt baufällich on den enzigen Hirt de weij noch hadden utgereknet dän hät de Kopp aff.
Nau hebben weij drie Zentner Ärpele twee kier ganz durgewühlt, äwer gefonden hebben weij nex.
On dann ging dat Palaver loss. De Papp sät, en Kripp met enne Schoop ohne Hirt, dat geijt nit, dat wör tegen de Tradition. On ennen Hirt ohne Kopp beij et Chriskeneken, dat ging örsch rech nit. Enne neyen Hirt koopen, dat ging nau ock nit, weil de ganze Figuren ut Gips on schon uralt woren, on sowat kann man van Dag nit miehr kreigen.
Nau säg mech ens Tant Mechel, wenn weij twee Dag vör Weihnachten schon kennen Hirt kreigen, wo soll man dann sonne Kopp herkreigen?
Os Mamm sät dat ock. Also sät os Mariechen, dann maken weij en Kripp met Viechzeuch ohne Hirt, da häts dou äwer os Mamm hüren solle: Dat wör typisch de Jugend von hüt, kenn Ahnung von Ackerbau on Viehzucht. Enne Schoop met ander Dieren ohne Hirt dat geijt doch överhaupt nit. Die gont doch retteriere on de Kripp möß doch äch siehn, sonst wör dat en Beleidigung för dat Christkeneken.
Also, sät de Papp, dann mötten weij enne Kopp van de hillige drie Könnige köppen on dunt dann den Hirt den Kopp opsetten. Am twedden Weihnachtsdag gont weij dann noch in de Keller on süken noch ens na den Kopp on wenn weij de Kopp dann fenden, tuschen weij de Kopp van de Könning wer öm.
Os Mamm äwer hät gesag, dat ging ok wer nit, weil doch de Könnige de Kron op de Kopp hät on enne Hirt met en Kron dat wör unsozial. De Papp sät, dat wör nit so schlemm, weij kösten jo mät Schmärgelpapier die Kron van den Könning affschmergele, dann hät de Hirt met den Königskopp äwer en Plät.
Os Mamm hat äwer Bedenken gehat: On watt passiert, wenn weij dann en de Ärpelskiss den richtigen Kopp van dän Hirt wer fenden, dä Könnig sinne Kopp werkriech on hät statt en Kron en Plät?
Dat wör natürlech en Problem hät osse Papp gesag. Dann hät os Mariechen äwer en Idee hehat, weij kösten doch de Könning on Kron ut Lametta desamen friemelen on dat dann op de Plätekopp wer dropkläven.
Genau, dat hebben weij ok probiert, dat wor vlechs en pengelich Ärbeit, äwer dann ging dat ok nit, nämlich jedesmol wenn bloß de Stovesdör opging, ging de Kron ut Lametta von de glatte Plätekopp dur de Wend flegen, weil dä duselige Pappkleister op den blanken Kopp nit hiel.
On nau ös de Papp also suur, dat heij gesag hät: Et wörd nit ehr beij os Hilligowend gefiert, bes dat Problem met de Kopp gelös ös. On so wie ek dat kenn, kann dat noch bis nächst Johr düren. Einmol mötten jo de Ärpeln ens op sien dann dann mot sech de Kopp jo wehrfenden.
Also wachten weij et ens aw wat noch kömp. Dech liewe Tant Mechel wönsch ek op jeden Fall "Fröhliche Weihnachten!"
P.S. Grad hät sech Mamm on Papp geeinigt, dat ek an dän ganzen Schlamassel schold wör, weil ek de früh "Hauruck" gerupen heb.