Platt aus Wetzege on ernste Gedeechter von Heinrich Goldberg 1922
Köbes es vörsechteg.
Trina leht all in de Klapp,
denn et geiht op elf opahn,
doch köhmp ock all öre Mahn,
schlöpreg ös hei,müd on schlapp;
Treck sech ut, wat nit lang dührt,
Beuß on Romp on wat nit mier,
on dan läht hei sech nett nier;
mar wat wörd sin Frou versiert.
Köbes, ös et dech nit gut?
Säht sei, eck bgriep dech nit;
met lange Stewels an de Füt!
Woröm trecks dau die nit ut?
Ja, säht hei, dan luster ens,
wenn eck denk an gisternaach,
wat mech du son Leed gebraach,
Pien, die dau nach garnit kennß.
Du hebb eck, so drömde mech,
met min Füt in Glas getradd,
on ken Stewels angehadd,
Necke Füt! Eck seck et dech.
Doch dat för de twedde Kier
mech dat nit passiere kann,
halt eck nau min Stewels ahn,
dan krigg eck ock ken Mallür.
Autor:Fritz van Rechtern aus Neukirchen-Vluyn |
2 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.