Hochtieht! - Op Platt von F.v.R.

Min Söster ühr Dochter met ühre Liewsten hebbe gister an den fifften Juli in de Kerk van Sent Tönn in Tönisberg getraut. Et wor all op Tompspetz as weij an de Kerk wore. Min Nech´stohn met ühre Vader al vör de Kärkesdür parat on waachten dat de Klock driieh Ühr schloon dä. Dur de Kerkesdür gau gelope, geweihwatert, achter gau in de Bank sette gegohn on gewach´t dat de Paschtur met de Missdienersch de Traulüh an de Kärkesdür affhaalde. Nau koos dat Trauamt begenne. In de Prääk säät de Paschtur wat van twee Halfkugele, die beeijn gehüüre. Dat wor well beij des Traulüh so, weil alle betts beij de Feuerwehr sind. Na de Kärk ging et in de Kutsch met twee Pärd vörop na de Wietschaff. Enne Ömdronk gow et, en betsche wat tu vertelle, on dann an den Döösch wat op de Dellersch. Et wor all fein aangerech, on schmeggte ook ma gut. De Ätereij nohm ma wat vöhl Tieht in Anspruch. Töschendur ben ek enz döcker na buute an de Loof, et wor well wat ant Rägene, äwel dat ös mech liewer als de Fierereij in son Babbelrond, wo de et eigesse Wort nit hürs weil de Musik ma ömmer ant rabbele ös. De buute hebb eck mech dann ok nach met de Schmookers aahngelach, se knipden ma na son paar Züch de Zarett in de Renn, an et Blummebeet af un et Rägewaterloork. Kömpt dor enz en grothr Buij, da löpp´ äwel de
Waterkrohm öwer, dat well ek ou ma sägge. Tägen een Ühr, wor ek et pappsatt on hebb mech beij de Traulüh bedankt on ben met Frou na Huus gefahre.